History

P/F Havsbrún varð stovnað í 1966.

P/F Havsbrún fór undir at framleiða fiskamjøl og lýsi í 1966. Framleiðslutólini kláraðu tá at arbeiða umleið 400-500 tons av fiski um samdøgrið. Nógvar íløgur eru síðan gjørdar í fiskamjøls- og lýsiframleiðsluna, og er framleiðsluorkan í dag umleið 1800 tons av fiski um samdøgrið.

Í 1981 fór Havsbrún undir at royndarframleiða alifóður. Í 1988 varð eitt nýtt fóðurvirki tikið í nýtslu. Fóðurvirkið hevði eina framleiðsluorku uppá 60 tons um samdøgrið. Síðan tá er fóðurvirkið støðugt útbygt og dagført við nýggjastu og fremstu tøknini innan fóðurframleiðslu. Framleiðsluorkan er í dag umleið 600 tons av fóðri um samdøgrið.

Kreppan fyrst í 90-árunum rakti alivinnuna sera meint. Nógv alibrúk fóru á húsagang, og vandi var fyri, at alivinnan datt niðurfyri. Í arbeiðinum at byggja føroysku alivinnuna uppaftur hevur Havsbrún havt sera stóran leiklut.

Í 2011 bleiv Havsbrún partur av Bakkafrost Samtakinum.

Nærri kunning um søguna hjá Havsbrún sí faldarin 'Havsbrún 50 ár'.

Søgan hjá Havsbrún
Ár	Tekstur
1965	Esmar Fuglø gerst stjóri
1965-66	Veturin 1965-66 varð verksmiðjan bygd á bryggjuni í Fuglafirði. Merkið er vundið á stong, so reisugildi er.
1966	P/F Havsbun for undir at framleiða fiskamjøl og lýsi. Havsbrún tekur ímóti fyrstu sildalastini frá Beinir 30. juni 1966
1968	Ditleif Eldevig gerst stjóri
1972	Andreas Lava Olsen gerst stjóri
1983	Havsbrún byrjar royndarframleiðslu av alifóðri
1987	Føroyska alivinnan verður rakt av Hitra-sjúkuni
1988	Nýtt fóðurvirki tikið í nýtslu. Íløgan var góðar 45 milliónir krónir.
1991	Føroyska alivinnan verður rakt av furenkolosan
1995	Bergur Poulsen gerst stjóri á Havsbrún. Bergur var leiðari á fóðurdeildini áðrenn hann tók við sum stjóri.
2004	Havsbrún tekur ímóti størstu nøgdini av rávøru, 336.000 tons.
2011	Havsbrún gerst partur av Bakkafrost samtakinum
2014	Havsbrún keypur 30% av Pelagos
2016	Bakkafrost samtakið kunngerð eina íløguætlan á 2,2 milliardir krónur komandi fimm árini. Av teimum verða umleið 380 milliónir nýttar til íløgur hjá Havsbrún
2017	Havsbrún tekur ímóti størstu nøgdini av rávøru - 342.000 tons.
2019	Marius Petersen gevst eftir góð 46 ár á Havsbrún
2020	Havsbrún fær nýggja heimasíðu.